Kal raat, os giri thi mere aangan mein
Shabnam mein dubki lagaaye maano gulaab
jagmaga raha tha
Nange paaon baithi rahi, use takti rahi
Woh khush tha, ya boondon ke peechhe akelapan chhupa raha tha?
Kal subah uthte hi, tumhe nahi sataaoongi
Yeh khayaal jo adhpake se hain, tumhe nahi bataaoongi
Laal rang ko andhere se ladte jo dekh liya
Khush hoon, ki ab maine chhupana seekh liya
Phir kasa hua man aur aawara kadam
Bistar ki or nikal pade khud hi, narmi ki lalsa liye
Wahaan bikhre kambal ke jagah
Parchhai dikhi tumhari, aur ekaa-ek kadam rok diye
Jaao, kambal tumhara, tumhari neend bhi zaroori
Main simat jaati hoon zameen par, chhod baatein adhoori
Parchhai se na aankhon ko na baaton ko, bas ehsaas ko jod diya
Maun man, aankhein nam, aur maine chhupana seekh liya
Subah laga, baadal the shayad baahar
Akdi, pareshaan kamar ko sambhala, bhari ek sust angdaai
Kohra mila phir kamre ke hi andar
Dar toh laga tha meetha sa, par tumhe samjhaane se katraai
Ab subah ki kadvi coffee mein apne raaz
ghol deti hoon
Man khatta hai zara, yeh cheeni se bol deti hoon
Raat ke khwab, subah ke
khayal, din-din ghat-ti hichkiyaan,
Meri hain, tumhari kyun? Ab maine chhupanna jo seekh liya
Veeran nahi hai sheher mera
Yahaan gham aur khushi ke mele bunte hain kai kahaani
Palon ki ginti rukti hai kya bhala?
Baatein banti rehti hain, tum ehem samjho ya bemaani
Pichhle roz maine, bhoori chidiya ko sataya tha
Us-se pichhle din, kuchh gehnon pe dil aaya tha
Kisi bhoole-pehchaane shaqs se baazar mein takra gayi
Bachpan ke kisse chale, jinko sunke hasi aa gayi
Akela kala gulaab, do hazaar ka bikta hai
Aur ek mera laal hai, jo ab khaas nahi dikhta hai
Pados wali aunty ki hasi, daayan ko dara de
Par hathon mein swaad aisa, ki roothe ko mana de
Namak sahi nahi ho, toh khaane se kudh jaati hoon
Par ek dost hai meri, jis se namakdaani chhupaati hoon
Kaam mein kuchh uljhi aise, ki dino-din qalam nahi uthaya
Aur diary jab ainthi, toh use choom ke bagal mein sulaya
Yeh chhoti chhoti baatein,
yeh toote se kisse
Chhupa bhi loon, par hain toh zindagi ke hisse
Tum bhi ab kisson mein ho, waqt ne yeh tohfa diya
Tumhare kisse tumse kya, ab khud se chhupana seekh liya
 |
| This gem by Afremov is called 'Expectations of Love' - now, how interesting! |
PS -
Ankahe ehsaas laal os mein pighal gaye
Ik atki si soch hai, woh batana chahti hoon
Ki jo baat tumse na kahi
Ab khud bhi bhool jaati hoon.
Awesome! Brilliant! Read it twice. I believe everyone relate this to his/her life.
ReplyDeleteKudos!
Coming from the expert on poetry himself, this means a lot. Thanks for all the retweets and recommendations too!
DeleteWaah! Bahut achha laga padhke. Aapki hindi bhi itni hi lyrical hai .. bahut sundar, mann ko chhooti hui rachna hai.
ReplyDeleteThank you!
DeleteI had been away from the satisfaction that lies in expressing oneself in Hindi. Thanks to PACH, I have been able to discover this side of mine. Thanks for leaving a lovely comment!
Simply lovely... If it were prose, I could say it reads like lyrical poetry... but when it is already lyrical poetry, what praise can I give that saying simply brilliant...
ReplyDeleteRoshan!
DeleteYou make me smile like few else can. Need we visit the fact about my admiration for you again? And given that, when you praise anything I write, I am floating somewhere high up in the skies. Thanks for all the constant encouragement!
Its a poem with highly matured thoughts, rarely come across my reading.
ReplyDeleteI remember Percy Bysshe Shelley's poem 'Music, When Soft Voices Die'
"Rose leaves, when the rose is dead,
Are heaped for the beloveds bed;
And so thy thoughts, when thou art gone,
Love itself shall slumber on."
I think India has found a brand new Amrita Pritam.
You say too much sir!
DeleteBut the lines from Shelley are amazing. I would keep those with myself. Thank you :)
Ye shabd bhi bune is tarah ki
ReplyDeletesardi ki sweater bhi itni narmi na de paye
Ye shabd bhi ghule is tarah
ki kheer bhi itni mithaas na de paye
kuch mann mein aaye bhi toh
likhu bhi kya
kuch khayal tairne lage upar
toh chaanu bhi kya
ye padhne ke baad toh samjho
mann saaf sa ho gaya
tareef bhi karu kya
ab toh maine bhi chupana seekh lia
Yeh toh dehla hai. Achchha hua tumse bol diya comment karne ko - you made my blog a little more beautiful :)
DeleteApki ye poem record ki thi maine last time..n by god har bar sunte tm goosebumps aa jate hain..n akela kala gulaab wali line k baad apne smile kiya tha..by god awesomeness personified saumya di..:D
ReplyDeleteArre!
DeleteYou have is poem ki recording? And I don't know of it? This is not done! I want it next time Kamal, pakka!
Har lafz me sachai hai..
ReplyDeleteHar aah me gehrai hai..
Tum suno to jano..
Yahan jaan par ban aayi hai..
Aisa fasana jo bayan hua nahi..
Aisi sada jo honthon se nikli nahi..
Hum aaj bhi wahin hai..
Palat k ek bar bas tumne dekha nahi..
Hey Saumya..another feather in your cap.
Just loved it..
You do magic with words!!!
"Hum aaj bhi wahin hain palat kar tumne dekha nahi"
DeleteMera bahut mann kar raha hai is line se kuchh banane ka. It just sounds like my kind of a line. Thanks!
Serendipity!!!..
ReplyDeleteWaiting for your next post:)
You got one! And another poem is ready, shall upload soon!
DeleteYour blog has gone from great to awesome, ocean of poetry, and nt just the dark, deep stuff bt humorous and involving. Have been missing all this fr a while bt now ill be following your blog as i used to do earlier and PACH, want to know more about it! :)
ReplyDeleteGive me a call anytime Apoorv, and I would love to tell you about PACH, and invite you there too!
DeleteRaat ke khwab, subah ke khayal, din-din ghat-ti hichkiyaan!!!!!
ReplyDeleteJo lagti chhoti baatein, jinhe kehti toote kisse,
ReplyDeleteJhutlaun kaise main, puchwaun kis kisse.
Tum ab se hamesha tak, koi geet pyaara bunn lena,
Beech mein kisi meethe antre par, naam mera chunn lena.
You weave magic Saumya di. Brilliance.
Aaqib! You make me a fan. Such a big fan.
DeleteThanks for adding a dash of awesomeness, and also for creating a response for a poem lamenting the lack of any.
The post-script made me smile for such a long time. It's so deep.
ReplyDeleteHaven't you heard me recite it ? I like the post-script too :P
DeleteWonderful lines .....dil ko choo gai .....I read it 10 times ,.....great work .
ReplyDelete